Shugaban Ƙasar Yukiren Ya Ziyarci Bakin Fama A Arewa Maso Gabashin Kasar
Shugaban kasar Ukraine Volodymyr Zelenskyy ya ziyarci sojojin da ke fagen daga a yankin arewa maso gabashin Ukraine da ke fama da yaki a yankin Kharkiv, a karon farko da ya bayyana a hukumance a wajen Kyiv babban birnin kasar da kuma yankunan da ke kusa da shi tun bayan fara mamayar Rasha a ranar 24 ga watan Fabrairu.
Ofishin Zelenskyy ya saka wani hoton bidiyo a Telegram na shi sanye da rigar harsashi kuma ana nuna mi shi gine-gine da aka lalata a Kharkiv da kewaye ranar Lahadi.
“Kun yi kasada da rayuwar ku domin mu duka da kuma kasa rmu,” in ji Zelenskyy shafin yanar gizon ofishin shugaban kasar a lokacin da yake gayawa sojojin Ukraine, ya kara da cewa shugaban ya kuma mika yabo da kyaututtuka ga sojojin.
A cikin faifan bidiyo na ziyarar, an ga sojojin Ukraine suna nuna wa Zelenskyy yadda aka lalata manyan motoci a gefen hanyar da ke bi ta wani fili.
“A cikin wannan yakin, masu mamaye suna ƙoƙarin fitar da aƙalla sakamakon,” in ji Zelenskyy a cikin wani post daga baya.
