Ooni Zai Auri Mata Ta Shida
An shirya Ooni na Ife, Oba Adeyeye Enitan Ogunwusi, zai auri matar shi ta shida, Temitope Adesegun, ranar Litinin.
Mai magana da yawun Ooni, Moses Olafare, ya bayyana hakan a wani sakon da ya wallafa a Facebook ranar Lahadi.
Yace sabuwar matar sarkin, Adesegun, gimbiya ce daga yankin Ijebu.
“Olori Temitope Adesegun Ogunwusi, an Ijebu Princess cum Ile-Ife Queen. Gobe ne ranar D, ”in ji sakon.
Ooni ya auri Mariam Anako, daga Ebira, jihar Kogi a ranar 6 ga Satumba. Ta kasance manajan gudanarwa a Nestoil Limited.
Oba Ogunwusi ya auri Elizabeth Akinmudai a Magodo, jihar Legas, jim kadan bayan aurensa da Anako. Ta fito daga jihar Ondo.
A ranar 9 ga Oktoba, ya auri matarsa ta uku, Tobiloba Philips, tsohuwar sarauniyar kyau daga Okitipupa a jihar Ondo.
Sarkin ya dauki Ashley Adegoke, wata gimbiya daga Ile-Ife a matsayin matarsa ta 4 sannan kuma a ranar 20 ga watan Oktoba, ya auri Ronke Ademiluyi, wanda ya kirkiro makon Fashion na Afirka, kuma jikanyar Ooni na Ife na 48, Ajagun Ademiluyi.
