Limaman cocin Katolika sun hana mabiya shiga coci ba tare da katin zabe ba
Wasu limaman cocin Katolika a Najeriya sun aiwatar da manufar ‘No Permanent Voter Card (PVC), No Sunday Mass’, ma’ana ‘ba ka da katin ba ka shiga taron coci na ranar Lahadi’.
A cikin faifan bidiyo da SaharaReporters ta gani a ranar Lahadi, an hana wasu mabiya coci shiga cikin cocin ranar Lahadi saboda gazawar su na nuna katin zabe na dindindin da hukumar zabe mai zaman kanta ta kasa (INEC) ta fitar.
A cocin St. Matthew’s Catholic Church da ke Utugwang a karamar hukumar Obudu a jihar Cross River, an ji mataimakin shugaban cocin yana umurtar wadanda suke da PVC su shigo cocin, wadanda kuma ba su koma gida ba.
A wani cocin Katolika da aka ruwaito cewa yana daya daga cikin jihohin Arewa ta Tsakiya, an ji Baban Rabaran yana cewa, “Daga yau idan za ku zo taro, ku dauki PVC din ku. Idan ba ku da PVC ɗinku, kada ku damu zuwa.
“Saboda babu yadda za a yi kiristoci su cika coci amma kadan ne daga cikin su – su ka je katin kada kuri’a a lokacin zabe.
“Don haka, yana nufin yawan mu da lambobi ba su nufin komai ba. Don haka, muna son Kiristoci su ɗauki hakkin su da ayyukan su da muhimmanci.
“Don haka, a yau, da gaske nake da shi. Kamar yadda nake tsaye a nan, idan kuna da PVC-ku fara shigowa. Amma idan ba ku da PVC ɗinku, nemi hanyar ku ta komawa gida. Ba za ku halarci taron coci a nan ba.”
A yayin da harkokin siyasa ke ci gaba da dagulewa gabanin zabukan 2023, kungiyoyin masu zaman kansu da na gwamnati da na addini sun zafafa kamfen na ma’aikatansu da mambobinsu domin su samu katin zabe na PVC domin ba su damar gudanar da ayyukansu na al’umma.
