Atiku: Jam’iyyar PDP A Ribas Ba Za Ta Yi Maka Yakin Neman Zabe Ba – Wike
Gwamna Nyesom Wike na jihar Ribas, a jiya, ya shaidawa dan takarar shugaban kasa na jam’iyyar PDP, Alhaji Atiku Abubakar, kada ya yi tsammanin jam’iyyar a jihar Ribas za ta yi yakin neman zabe domik a zabe shi a zaɓen 2023.
Gwamnan wanda ya yi magana a lokacin da yake kaddamar da kwamitin yakin neman zaben jam’iyyar PDP reshen jihar Ribas a Fatakwal, ya zargi Atiku da zabar mambobin kwamitin yakin neman zaben shugaban kasa na jam’iyyar PDP ba tare da tuntubar su ba, ko kuma sun amince da abin da ya bayar, wanda hakan ke kawo cikas ga kimar zaben jihar.
Yace: “Dan takarar shugaban kasa ya shiga Rivers ya dauko wadanda yake so ya dauko ba tare da gudunmawar gwamna ba. Don haka, ba sa bukatar in yi musu kamfen, ba sa bukatar mutanen Rivers su yi musu kamfen. Za ka tilasta wa kan ka a kan su?
“Ban taba ganin yadda mutane za su raina jiha kamar Ribas ba su je su zabi makiyan jihar ba tare da gudunmawar mu ba. Don haka, mu yiwa wadanda suka ce mu yi musu yakin neman zabe a nan jihar, dan takarar gwamna, ‘yan takarar Sanata, da sauran su.
“Siyasa wasa ce ta sha’awa. Idan babu wanda ya yarda da muradin jihar Ribas, to babu ruwan mu da irin wadannan mutane. Idan ka ce ba ku da sha’awar Rivers, Rivers ba za ta sami sha’awar ku ba. Wadanda suke son mu ne kawai za mu so.
“Na gaya wa mutanen da suka damu cewa Ribas ta zabi PDP tun 1999. Daga cikin wannan tallafin da muka bayar tun daga 1999 zuwa yanzu, za ku iya ambata abu daya da muka samu? Za a iya ambaton hanya daya da muka samu? Abin da suke da shi shi ne su yi amfani da Ribas su kawo kuri’a, bayan sun kawo kuri’a, sai ka ture mu a gefe. Hakan ba zai sake faruwa ba.”
Ya bayyana cewa jam’iyyar PDP a jihar Ribas ta yi wa al’ummar kasar kyau, inda shugaban kasa Muhammadu Buhari ya amince da hakan, wanda hakan ya sa ya zama da wahala wata jam’iyya ta samu damar lashe zabe a jihar.
A nasa jawabin, shugaban kwamitin yakin neman zaben jam’iyyar PDP na Rivers, Cif Ferdinand Alabraba ya ce kungiyarsa ta amince da aikin da ke gabansu kuma ta kuduri aniyar bayar da gudunmowarta wajen isar da tawagar hadin gwiwa na kungiyar New Rivers Vision.
